តាងនាមជំនួសឲ្យរាជរដ្ឋាភិបាលកម្ពុជា និងរដ្ឋបាលខេត្តបន្ទាយមានជ័យ ខ្ញុំបាទរីករាយស្វាគមន៍អស់លោក លោកស្រីដែលចូលមកកាន់គេហទំព័រវិនិយោគរបស់យើងខ្ញុំ គឺ “Invest in Banteay Meanchey”។

ស្ថិតនៅទិសពាយ័ព្យនៃព្រះរាជាណាចក្រកម្ពុជា ពួកយើងគឺជាសមាជិកនៃសមាគមប្រជាជាតិអាស៊ីអាគ្នេយ៍ (ASEAN) និងជាសមាជិកអង្គការពាណិជ្ជកម្មពិភពលោក (WTO) ជាមួយនឹងលំហូរចរន្តចេញចូលដោយសេរីនូវទំនិញជាមួយប្រទេសសមាជិកជិតខាង និងប្រទេសមហាអំណាចសេដ្ឋកិច្ចមួយចំនួន។ ពួកយើងបានបង្កើតអោយមានវិបុលភាពសម្រាប់កិច្ចការវិនិយោគ បូករួមជាមួយនឹងកម្លាំងពលកម្មដែលមានផលិតភាព និងប្រសិទ្ធភាពខ្ពស់។ ខេត្តបន្ទាយមានជ័យមានតំបន់សេដ្ឋកិច្ចពិសេសចំនួនបីកន្លែង ដែលផ្ដល់នូវពហុឱកាសសម្រាប់វិស័យនានាដូចជាវិស័យកសិឧស្សាហកម្ម បូករួមនឹងសក្ដានុពលក្នុងផ្នែកវប្បធម៌ និងទេសចរណ៍ជាច្រើនអនេក។

ពួកយើងគឺជាសមាជិកអនុគណៈកម្មាធិការវិនិយោគខេត្តបន្ទាយមានជ័យ ដែលនៅចាំជួយសម្រួលទៅដល់គម្រោងវិនិយោគរបស់អ្នក។ ពួកយើងនឹងប្ដេជ្ញាចិត្តលើកស្ទួយធុរៈកិច្ចរបស់លោកអ្នកឲ្យបានជោគជ័យក្រោមកិច្ចសហប្រតិបត្តិការរវាងវិស័យឯកជន និងដៃគូអន្តរជាតិនានា។